برداشت تم نہیں کرنا

-

برداشت تم نہیں کرنا


برداشت تم نہیں کرنا
کوئی گولی کہیں سے گر
آکر جب تمھارے گھر
میں کسی کو لگ جائے
جان لے ، ارمان لے
برداشت تم نہیں کرنا
کوئی بم کا دھماکہ
کسی ٹائمر سے ہو
یا کسی انسان کے
 سینے سے بندھا ہو وہ
برداشت تم نہیں کرنا
سازشی سیاسی ہوں
مکار کاروباری ہوں
دولت مند وڈیرے ہوں
یا گلی کے غنڈے ہوں
برداشت تم نہں کرنا
رینجر کا ڈنڈا ہو
کیپٹن کی گولی ہو
ڈرون ہو امریکہ کا
سر پہ جو تمھارے ہو
برداشت تم نہیں کرنا
ملّا ہوں جو پیسے کے
ڈالر کے روپیئے کے
یا ریال لیتے ہوں
چاہے وہ کہیں کے ہوں
برداشت تم نہیں کرنا
خبریں جو چلاتے ہیں
تبصرے بھی کرتے ہیں
جو تم سمجھتے ہو
نوٹنکی کے پرزے ہیں
برداشت تم نہیں کرنا
کاروبار میں دھوکہ ہو
ملازمت میں استحصال
کسی غنڈے کی بدمعاشی
پولس والے کی بدمعاشی
برداشت تم نہیں کرنا
چھوٹے بھی جو مسئلے ہیں
بجلی جو چلی جائے
سی این جی کی بندش ہو
پانی جو نہیں آئے
برداشت تم نہیں کرنا
ٹریفک میں ہو بدمعاشی
چاہے ہو وہ کم عقلی
خلاف ورزی اشارے کی
چاہے ہو سڑٰک ٹوٹی
برداشت تم نہیں کرنا
کیونکہ
کوئی جو مسائل ہوں
برداشت گر جو کرجانا
بچوں کے لیئے اپنے
چھوڑ پریشانی جانا
برداشت تم نہیں کرنا
ہاں مگر
پریشاں بھی نہیں ہونا
اگرچہ
مسائل ڈھیر سارے ہیں
پریشانی کا منبہ ہیں
کیسے ہی یہ ممکن ہو
برداشت بھی نہیں کرنا
پریشاں بھی نہیں ہونا
اگر
ایک مسئلہ کو بھی
کم ہم گر کرجائیں
دنیا کو جو بہتر ہم
کرسکیں تو کرجائیں
مگر
ہاں مگر کوئی مسئلہ
جو ہماری قدرت سے
باہر ہو تو بہتر ہے
صبر ہم کو کرنا ہے
ضرور تم صبر کرنا
پریشاں بھی نہیں ہونا
برداشت پر نہیں کرنا
کبھی قبول نہ کرنا
کبھی قبول نہ کرنا

سفؔر
۱۶ ستمبر ۲۰۱۳
۴ مئی ۲۰۱۶
۳۱ اکتوبر ۲۰۲۰

Comments

Post a Comment

Popular posts from this blog

نئی ٹیکسی

-
 ابا کا ایک دوست ہے، مقصود۔ ہماری ہی گلی میں ہی رہتا ہے-  اسکے پاس ایک پرانی سوزوکی ٹیکسی ہے ۔ ابا ویسے تو  بس میں آتا جاتا ہے مگر جب کبھی اماں یا ہم کو کہیں لے کے جانا ہو تو مقصود کو ہی کہتا ہے کہ لے چل۔ چونکہ مقصود ابا کا دوست بھی ہے اور اسکے ساتھ تاش بھی کھیلتا ہے، اس لیئے ابا کو کرایہ میں کچھ رعایت دے دیتا ہے۔ مجھے مقصود بالکل بھی اچھا نہیں لگتا، گھور گھور کر دیکھتا رہتا ہے، جب ابا سامنے نہ ہو تو کہتا ہے مجھ سے شادی کرے گا، ویسے تو ابا اس معاملے میں کافی ٹھیک ہے مگر مجھے ڈر ہے کہ کہیں مقصود ابا کو پٹا ہی نہ لے۔   ایک دفعہ میں اسکول سے گھر آرہی تھی کہ دو اوباش لڑکوں نے مجھے دیکھ کر پہلے تو آوازے کسنا شروع کیئے مگر پھر میرا پیچھا شروع کردیا ۔ میں تیز تیز قدموں سے جلدی گھر آجانے کی دعا کرتی تقریبا بھاگنا شروع ہوگئی کہ مجھے مقصود   کی ٹیکسی نظر آگئی۔ وہ سڑک کے کنارے ٹیکسی کھڑی کرکے سواری مل جانے کا انتظار کررہا تھا۔ میں نے آو دیکھا نہ تاو اور جلدی سے دروازہ کھول کر اسکی ٹیکسی میں بیٹھ گئی اور مقصود سے کہا کہ دو لڑکے میرا پیچھا کررہے ہیں تو مجھے گھرپر اتاردو۔ اس نے مجھے غور سے
Read more

کرونا تو بس ایک قدرتی آفت تھی

-
کرونا تو بس ایک قدرتی آفت تھی  کہ وہ غریب و امیر خادم و مخدوم  حاکم و محکوم  سب کو ایک نظر سے ایک نگاہ سے ایک ہی طرز سے گھیرے میں لے رہا تھا مگر وہ تو قدرتی آفت تھی یہ جو انسانوں نے خود اس کے مقابلے پر احکامات جاری کردیئے ہیں یہ امیر و غریب میں فرق کرتے ہیں اگر بظاہر نہیں کرتے توآثار میں ضرور کرتے ہیں کہ معاشی عدم استحکامی امیر کی دولت میں  صرف کمی کرسکتی ہے بلکہ شاید صرف یہ کہ اسکی امارت کو بڑھنے سے روکتی ہے اور کچھ امراء نے تو اس وبا میں اور دولت جمع کرنے کے مواقع ڈھونڈ نکالے ہیں جو تھوڑے کم امیر ہیں انکی تو صرف سیر و سیاحت، کھانے اور کھلانے پر ایک قدغن لگی ہے یہ تو صرف غریب ہے کہ جس کو معاشی بدحالی کا سامنا ہے کرونا سے بھی مرنا تھا،اسے اب بھوک سے بھی مر نا ہے وہ سفید پوش جو اپنا بھرم رکھنے کی خاطر اپنے گھروں کے حالات کو کسی نہ کسی طرح دوسروں کی نگاہوں سے زبانوں سے محفوظ رکھے ہوئے تھے چادر کے مختلف کونوں کو باری باری کھینچ کر اپنی  عزت کو ڈھانپنے  کی کوشش کررہے تھے مگر وہ اب یا تو سر جھکائے اپنی سفید پوشی پر ہاتھ پھیلا کر داغ قبول کررہے ہیں یا وہ اب بس خامشی سے قدرتی آفت سے مرنے کی د
Read more

پیرویٔ رہنما میں رہنما کے ساتھ چل

-
پیرویٔ رہنما میں رہنما کے ساتھ چل  کہ صحرا میں دیر تک راستہ نہیں ہوتا  جب خدا نے بھی لیا پیغامبرکا واسطہ  تو دعا کا بھی سفر بے واسطہ نہیں ہوتا  کیا ہماری حیثیت ذکر نبی اونچا کریں  کارِ خدا مخلوق سے آراستہ نہیں ہوتا  جو منعم و گدا کو نہ کرسکے نزدیک تر  وہ واسطہ ہرگز صحیح واسطہ نہیں ہوتا  کرے سفرؔ جو بھی سفر اس جہاں کے واسطے  وہ سفر چاہے نہ چاہے خواستہ نہیں ہوتا
Read more